Një aksident i rëndë ka ndodhur pas mesnate në Tiranë, si pasojë e të cilit ka humbur jetën një person.
Aksidenti ka ndodhur në rrugën “Sulejman Delvina” në kryeqytet, ku një 33-vjeçar me inicialet R.K., ka humbur kontrollin e mjetit e ka dalë nga rruga. Për fat të keq, ai nuk ka mundur dot t’u mbijetojë plagëve të marra si pasojë e aksidentit.
“Rreth orës 01:30, në rrugën ‘Sulejman Delvina’ shtetasi R. K., 33 vjeç ka humbur kontrollin e mjetit dhe ka dalë nga rruga, dhe për pasojë ka ndërruar jetë në vendngjarje.
Grupi hetimor po punon për sqarimin e rrethanave të ngjarjes.”– thuhet në njoftimin e Policisë.