Policia në Barcelonë ka ndërhyrë për të shpërndarë turmat e njerëzve, të cilët kishin dalë për të festuar në qendër të qytetit dhe në plazhin pranë, pas heqjes së kufizimeve të Covid-19.
“Ne kemi larguar njerëzit nga rrugët qendrore dhe gjithashtu rreth 2 mijë të tjerë nga plazhi, një pjesë e të cilëve nuk po respektonin kufizimet e distancës sociale ose rregulloret shëndetësore, por nuk kishte përplasje.”- tha majori Ricardo Salas, i Gardës së Qytetit të Barcelonës, për Reuters.
Qeveria spanjolle hoqi gjendjen e jashtëzakonshme në 9 maj në mesnatë, kështu që ky ishte shansi i parë për qytetarët për të festuar gjatë gjithë fundjavës.
Ekzistojnë akoma disa kufizime. Në Katalonia, për shembull, baret dhe restorantet janë të hapura nga ora 7 e mëngjesit deri në orën 11:00 dhe numri maksimal i njerëzve të lejuar në tavolina është katër.
Duke qenë se kjo ishte fundjava e parë pa rregullat strikte të gjendjes së jashtëzakonshme, shumë spanjollë përfituan të bëjnë një mini-pushim dhe të festojnë.
Autoritetet e trafikut raportuan një rritje prej 42% të makinave që lanë qytetet e mëdha të Premten krahasuar me të njëjtën kohë të javës së kaluar. Shefat e turistëve në vendpushimin juglindor të Benidorm thanë se rezervimet e hoteleve ishin në 60%.
Një nga kombet më të goditura në Evropë, Spanja ka regjistruar 79,339 vdekje nga koronavirusi dhe 3.6 milion raste, sipas të dhënave të ministrisë së shëndetësisë. Por normat e infeksionit kanë rënë dhe gati një e treta e popullsisë ka marrë të paktën një doze të vaksinës.
