Komuniteti Mysliman i Shqipërisë ka reaguar pas incidentit të rëndë të ndodhur këtë mëngjes, gjatë faljes së Fiter Bajramit, në Sheshin “Skënderbej”.
Zëvendëskryetari i Komunitetit Mysliman Shqiptar, Taulant Bica, e cilësoi këtë një incident sporadik dhe që nuk ka të bëjë me besimin.
“Sot është ditë feste, ditë gëzimi dhe ngjarje të tilla nuk i shërbejnë mesazheve të kësaj feste. Incidente të tilla nuk kanë të bëjnë aspak me një besimtar me një mendje të shëndoshë.”- është shprehur ai.
Një person i identifikuar si Besim Grosha u fut mes besimtarëve në shesh me thirrjet “S’ka Zot” dhe tentoi të vetëdigjej me benzinë.
40-vjeçari është shoqëruar në Komisariatin e Policisë Nr. 1 dhe policia po punon për sqarimin e rrethanave të ngjarjes.
