Vendosni fjalën kyçe....

Rama pas fitores së Interit: Ky s’ishte viti i Juves por i Partisë Socialiste


Kryeministri Edi Rama ka uruar për fitoren e titullit në Seria A ekipin e Interit. Ndërsa shpesh herë publikisht ka pranuar se është tifoz i Juventusit, Rama thotë se ky nuk ka qenë viti për skuadrën e tij të zemrës por ka qenë për PS-në.

“Meqë shumë miq tifoza të Interit këtu shkruajnë pse nuk na uron, ja edhe urimi i merituar pas 11 vjetësh, falë këtij juventinit që klith këtu në majë të mullarit.

Gëzojeni miq, ky s’ishte viti i Juves po i Partisë Socialiste, kështu që secili gëzimin e vet dhe jemi në rregull.

*Lum kush është edhe interist edhe socialist këtë here.”– shkruan Rama.

Dje Interi fitoi pas 11 vitesh titullin e Seria A, edhe pse ka edhe ka 4 ndeshje nga përfundimi i kampionatit.

Këtë vit Juventusi, synonte titullin e 10-të por nuk ia doli dot.


Leave a Reply

Your email address will not be published. Required fields are marked *