Vendosni fjalën kyçe....

Infermierët u dhanë padashje 6-fishin e dozës normale të vaksinës, 77 të burgosurit në SHBA po mbahen në monitorim


Plot 77 të burgosur në një burg të sigurisë maksimale në SHBA po monitorohen për efektet anësore, pasi u është dhënë pa dashje 6-fishi i dozës normale të vaksinës së Pfizer-BioNTech.

Gabimi u bë nga dy infermierë të burgut që ndodhet në Ioëa. Incidenti ndodhi të martën, duke çuar në një pauzë të vaksinimeve në burg pasi dy stafet u vendosën në pushim të përkohshëm, shkruan RT.

Zëdhënësi i Departamentit të Korrektimeve në Iowa, Cord Overton tha se shumica e të burgosurve të prekur kishin vetëm simptoma të vogla si ato që shkaktonte edhe doza normale të vaksinës, të tilla si dhimbje krahësh dhe dhimbje trupi. Të paktën një i burgosur pësoi ethe, e cila ishte e shërueshme me Tylenol.

Zyrtarët e burgut kërkuan udhëzime nga ekspertët mjekësore në CDC, nga kompania Pfizer dhe Universiteti i Iowa-s, të cilët rekomanduan që të burgosurit të monitoroheshin për të paktën 48 orë.

Kimberly Koehlhoeffer, nëna e një të burgosuri, tha se djali i saj dhe disa të burgosur të tjerë kishin patur edhe reagime të tjera, të tilla si përzierje dhe dehidrim të rëndë.

Vaksina e Pfizer-BioNTech vjen e ngrirë dhe paketohet në formë të koncentruar, kështu që hollohet me kripë para se të kryhen vaksinimet. Zyrtarët shtetërorë nuk dhanë një shpjegim specifik se si të burgosurit u mbidozuan, por është e mundur që gjilpërat të jenë bërë pa u holluar vaksina.