Kryeministri Edi Rama ndodhet në Gramsh, ku ka mbajtur një fjalim para një grupi të rinjsh dhe të rejash të kësaj zone.
Rama i ftoi të rinjtë që të votonin për të, ndërsa sulmoi opozitën duke thënë se oferta e PD-së është si recetat e Sudes.
Rama i konsideroi këto zgjedhje janë sprovë karakteri për shqiptarët, për të bërë të mundur ndryshimin e Shqipërisë përmes punës.
“Data 25 prill është sprovë karakteri për shqiptarët, ku do të vendosim a do ngjitemi me mund, me sakrifica apo do i biem shkurt, duke rendur pas recetave çudibërëse të parave që do të shpërndahen lumë. Nuk mund të besojmë tek recetat e Sudes. Asgjë nuk ngrihet nga toka përveç se me djersë dhe sakrifica. Ata vende që janë ngritur janë ngritur nga puna dhe sakrifica. Jeta është malore dhe kjo botë është e guximtarëve, kjo botë është e guximtarëve. Nuk ka sukses të lehtë.
Që të kemi sukses më shumë, duhet të punojmë më shumë. Mos u ktheni pas, për të emëruar njerëz me parti e ku partia bën gjithçka. E ardhmja nuk vjen vetë, me premtime me fushë me lule. Përpara ka rrugë përpjetë, që duhet ta ngjisim se nuk bën. Ata i ranë shkurt, duke parë vetëm klanin e tyre, familjen e tyre. Nuk e dua pushtetin për veten time. Nga emigracioni më ka sjellë maja që kam parë për Shqipërinë. Jam këtu për të dhënë mishin e shpirtin për të kapur atë majë. Jemi partia, e atyre që zgjohen në mëngjes dhe shkojnë në punë për të fituar paratë për të jetuar sa më mirë. ndryshimin e sjell vetëm puna e pasioni për t’ia dalë.”- tha Rama.
Kryeministri u shpreh se sot Shqipëria nuk ka asnjë krahasim me atë që ishte para 7-8 vitesh por që është larg së qeni ëndrra e të rinjve.
Po ashtu ai shtoi se “shtysa” që e nxirrte çdo ditë nga shtëpia ishte që të bënte gjithçka mundet, ta bëjë Shqipërinë më të mirë: “Shtysa që më bën të dal çdo ditë nga shtëpia është që të bëj gjithçka mundem që Shqipëria të jetë më e mirë nesër dhe që secili nga shqiptarët pavarësisht asaj se kë voton, të ndihet më mirë nesër.”
