Shërbimi i inteligjencës së brendshme të Gjermanisë, BfV, ka klasifikuar partinë e krahut të djathtë Alternativa për Gjermaninë (AfD) si një grup “të dyshuar” ekstremist, raporton media. Masa lejon mbikëqyrje të gjerë të partisë.
Kreu i BfV, Thomas Haldenëang, ka informuar zyrat rajonale të agjencisë për vendimin e marrë më 25 shkurt, raportuan në mënyrë të pavarur, disa media gjermane të lajmeve, duke përfshirë Der Spiegel, Die Zeit dhe Der Tagesspiegel, që citojnë burimet e tyre, raporton RT.
Një cilësim i tillë lejon shërbimin e brendshëm gjerman të sigurisë të ngarkuar me luftimin e veprimtarive terroriste dhe ekstremiste të monitorojë veprimet e një grupi duke përdorur inteligjencë të gjerë dhe mjete vëzhgimi, duke përfshirë përgjimin e bisedave telefonike, monitorimin e postave elektronike dhe kërkimin e informatorëve nga radhët e grupit.
Vendimi u bazua në një raport të gjatë të përpiluar nga një grup avokatësh dhe ekspertësh të ekstremizmit të djathtë, të cilët supozohet se zbuluan prova dërrmuese të shkeljeve të “rendit të lirë themelor demokratik” të kombit.
Shqetësimet që thuhen të renditura në dokument përfshijnë raportet në lidhje me rritjen e ndikimit të ish-anëtarëve të fraksionit radikal të partisë të quajtur ‘The Ëing’. Fraksioni i udhëhequr nga udhëheqësi rajonal shumë i diskutueshëm i AfD, Bjoern Hoecke, u shpërbë vitin e kaluar pasi BfV e deklaroi atë një grup ekstremist “të provuar” por anëtarët e tij thuhet se vazhduan të kishin fuqi të konsiderueshme brenda AfD.
Raporti gjithashtu tregon lidhjet e partisë me Lëvizjen Identitare të ekstremit të djathtë të Gjermanisë që u shpall gjithashtu një grup ekstremist i djathtë nga BfV si dhe lëvizje dhe organizata të tjera të diskutueshme që kanë provokuar shqetësimin e shërbimit të sigurisë. Një prej tyre është revista ‘Compact’ që promovon pikëpamjen e mohuesve të Covid-19 dhe teoricientëve të konspiracionit të djathtë.
