Të paktën tre persona, mes rë cilëve një polic, u vranë në një varg shpërthimesh në kryeqytetin e Afganistanit, Kabul të shtunën.
Sipas policisë, shpërthimi i parë ndodhi rreth orës 10 të mëngjesit në rrugën Bagh-e-Qazi, një lokalitet me disa biznese dhe një vend adhurimi të vendosur afër.
Ndërsa njerëzit u mblodhën në zonë, një shpërthim i dytë shpërtheu në turmë disa minuta më vonë, duke vrarë dy persona.
Pesë civilë, përfshirë anëtarët e komunitetit Sik, u plagosën gjithashtu në shpërthimet zinxhir, tha policia. Një shpërthim i tretë ndodhi në lagjen Kher Khana të kryeqytetit rreth orës 11 të mëngjesit, shtoi një zëdhënës i policisë.
Shënjestra ishte një automjet policie dhe një polic u vra nga shpërthimi, tha ai. Asnjë grup nuk ka marrë përgjegjësinë për vargun e shpërthimeve sot në Kabul.
