Vendosni fjalën kyçe....

“Mos shkatërroni jetët tona për të shpëtuar buburrecat” – Fermerët gjermanë marshojnë përmes Berlinit (Video)


Një grup fermerësh gjermanë ka organizuar një marshim me traktor përmes Berlinit qendror për të protestuar kundër miratimit të rregullave të reja, të cilat sipas tyre do i kushtojnë shumë ekonomisë së tyre në emër të mbrojtjes së mjedisit.

Dhjetra zetorë kaluan nëpër rrugët e kryeqytetit gjerman përmes ‘Alexanderplatz’. Fermerët mbanin parulla të tilla si ‘Bujqësia ka nevojë për një të ardhme”, ‘Kur e drejta bëhet e gabuar, rezistenca bëhet detyrë’, dhe ‘Schulze po na heq qafe’.

Kjo e fundit i referohet ministres Federale për Mjedisin, Svenja Schulze, zyrtares që qëndron pas ligjit të propozuar për ‘Mbrojtjen e Insekteve’, i cili pritet të miratohet nga parlamenti gjerman javën e ardhshme.

Fermerët thonë se është shumë kufizues dhe do ndalojë që disa prej tyre të përdorin insekticid, duke i detyruar ata të largohen nga biznesi.

Protestuesit besojnë se projektligji motivohet më shumë nga ideologjia sesa nga shkenca.

“Ne promovojmë biodiversitetin, por jo ministri të paqëndrueshme.” – thotë faqja në internet e Land Creates Connection, grupi i fermerëve që qëndron pas protestës. Aktivistët kanë planifikuar disa ngjarje gjatë ditëve përpara votimit në parlament.


Leave a Reply

Your email address will not be published. Required fields are marked *