COVID-19 i ka marrë jetën një tjetër personaliteti të muzikës. Mësohet se është ndarë nga jeta në moshën 63-vjeçare Sokol Marku, ish-drejtori i shkollës së muzikës “Prenk Jakova” në Shkodër.
Lajmin e hidhur e bëri të ditur miku i tij, kompozitori Gjon Shllaku.
“Natën e emnit tand u ndave nga kjo jetë, shok e mik i paharrueshëm Sokol Marku”– shkruan Shllaku.
Marku ishte dërguar për kurim në Turqi që prej fillimit të muajit nëntor, pas përkeqësimit të gjendjes së tij shëndetësore si pasojë e Covidit.
Prej rreth 2 javësh ai ishte në intubim atje, por pavarësisht ndihmës së mjekësve, ai nuk mundi dot të mbijetonte.
Sokol Marku ka drejtuar shkollën e muzikës “Prenk Jakova” për 5 vite, deri në vitin 2014.