Ministri i Brendshëm, Sandër Lleshaj, është përgjigjur për çmimin e makinës luksoze të blerë nga institucioni që ai drejton për funksionin e qarkullimit të titullarit.
I pyetur nga gazetari Blendi Fevziu nëse është e drejtë që ministri i një vendi si Shqipëria të mbajë një makinë luksoze, Lleshaj tha se makina e tij kushton më pak se makinat e shumë drejtorëve të Policinë e Shtetit.
Debati:
Lleshaj: Ministri mban një makinë që kushton shumë më pak se sa makinat që mbajnë shumë punonjës të policisë së shtetit.
Fevziu: Kushton 100 mijë euro.
Lleshja: Vëre sa të duash : Kjo makinë u ka kushtuar taksapaguesve shqiptarë 49 mijë euro.
Fevziu: Aq e marr dhe unë një.
Lleshaj: Duhet të jesh Ministër i Brendshëm.
Fevziu: Ku është marr makina?
Lleshaj: Tek prodhuesi direkt, në Bavari.
Fevziu: Është e blinduar?
Lleshaj: Nuk është e blinduar, është e thjeshtë me konfiguracionin normal.
Fevziu: E di që fillojnë në 95 mijë euro.
Lleshaj: Aq kushton për blerësit e zakonshëm. Prodhuesi favorizon një kategori të caktuar klientësh.
