I dyshuari kryesor për sulmin ndaj revistës “Charlie Hebdo” të vitit 2015 në Francë ka rezultuar pozitiv për Covid-19. Si pasojë gjyqi ndaj tij është pezulluar.
Ali Reza Polat akuzohet se ka ndihmuar militantët islamikë që vranë 12 persona në revistën satirike katër vjet më parë.
Siç shkruan BBC, kryetari i trupit gjykues thotë se pas infektimit të Polat-it, 10 bashkëpunëtorë të akuzuar duhet të testohen për virusin para se të fillojë gjyqi.
Gjykatësi Regis de Jorna tha se “rifillimi i gjyqit do të varet nga rezultatet e këtyre testeve dhe zhvillimi i shëndetit të njerëzve në fjalë”.
Avokatët e mbrojtjes duhej të bënin paraqitjet e tyre përfundimtare në ditët në vijim dhe vendimet priteshin brenda dy javësh.
Pezullimi ka të ngjarë të vonojë përfundimin e gjyqit më vonë këtë muaj.
Katërmbëdhjetë persona në total janë në gjyq për sulmin ndaj revistës, si dhe sulmet e ndaj një gruaje grua police dhe një supermarketi hebre që la të vdekur gjithsej 17 persona për tre ditë. Tre nga 14 të dyshuarit po gjykohen në mungesë. Të tre personat e armatosur u qëlluan për vdekje nga policia.
