Tre persona u qëlluan për vdekje ndërsa një tjetër u plagos rëndë pas të shtënave në një klub nate në Houston, Texas.
Sipas mediave lokale, rreth orës 22:00 të martën, një person i armatosur qëlloi ndaj një turme që ishte mbledhur brenda DD Sky Club, i vendosur afër qendrës së qytetit.
Tre burra vdiqën në vendin e ngjarjes ndërsa një i katërt u transportua në spital me dëmtime serioze, tha policia e Houstonit në një postim në rrjetet sociale.
Njeriu i armatosur thuhet se u largua nga lokali. Policia nuk ka bërë ende asnjë arrestim në lidhje me incidentin dhe thotë se në ngjarjen e rëndë mund të ketë marrë pjesë më shumë se një person. Arsyet e të shtënave janë ende të panjohura.
