Vendosni fjalën kyçe....

Qëllohen me armë zjarri dy policë gjatë protestave për Breona Taylor në SHBA


Dy oficerë të policisë në Louisville janë plagosur gjatë protestave të ditës së djeshme për vendimin e gjykatës lidhur me vdekjen e Breonna Taylor.

Breitbart shkruan se të dy policët janë dërguar në spital dhe të dy janë në gjendje të stabilizuar. Njëri prej tyre u detyrua t’i nënshtrohej një operacioni.


Shefi i Departamentit të Policisë, Robert Schroeder, konfirmoi se një i dyshuar është dërguar në paraburgim.
Policia kishte marrë një thirrje për të shtëna me armë afër një kolegji rreth orës 20:30 të mbrëmjes, por kur shkuan në vendngjarje dy oficerë u qëlluan.

Shrwder tha se dëmtimet ishin “jo-kërcënuese për jetën” dhe se departamenti nuk do të nxirrte emrat e oficerëve.
“Unë jam shumë i shqetësuar për sigurinë e oficerëve tanë”– tha ai. “Padyshim që kemi pasur dy oficerë të qëlluar sonte dhe kjo është shumë serioze. është një gjendje shumë e rrezikshme. ”


Njëri nga oficerët thuhet se u godit në bark, poshtë jelekut të tij antiplumb, ndërsa tjetri u qëllua në kofshë, sipas reporterit Jason Riley, i cili citoi burime anonime.

Videot që qarkulluan në mediat sociale kapën zhurmën e të shtënave me armë, si dhe oficerë në anën tjetër, të cilët nxitonin dhe thonin në radion e tyre që dy policë ishin plagosur.

Breona Taylor u qëllua gjashtë herë me armë zjarri, kur policia hyri në shtëpinë e saj në Louisville në 13 Mars. Gjykata në Kentucky nuk njoftoi asnjë akuzë kundër oficerëve të përfshirë në vrasjen e saj, dhe përë këtë nisën protestat në Louisville.