Një fluturim me avion nga një qytet në KAnada në tjetrin, është anuluar për shkak se një foshnjë nuk vendoste maskë në fytyrë.
Safwan Choudhry thotë se kompania e linjës ajrore ëestJet dëshironte që fëmija i tij 19-muajsh të vendoste një maskë në fytyrë, por vajza nuk ndalonte së qari.
Linja ajrore nga ana tjetër thotë se problemi nuk ishte me foshnjën, e cila është nën moshën e kërkuar për të mbajtur një maskë, por me fëmijën tjetër 3-vjeç të zotit Choudhry.
BBC shkruan se të martën në mëngjes, fluturimi nga Calgary për në Toronto u ndalua dhe të gjithë udhëtarët u urdhëruan të zbresin.
“Është ndryshe nga çdo gjë që kam parë ndonjëherë, e lëre më ta përjetoj”, tha Choudhry për BBC-në.
Choudhry i tha BBC-së se vajza e tij më e madhe, e cila është tre vjeçe, ishte duke ngrënë një meze të lehtë para nisjes kur stjuardesat iu afruan atyre duke i kërkuar që të dy fëmijët e tyre të mbanin një maskë. Ai tha se vetë ai dhe gruaja e tij ishin me maskë.
Choudhry thotë se i pyeti stjuardesat nëse vajza e tij mund ta përfundonte rostiçen e saj, por ato i thanë se kishin një “politikë të tolerancës zero” dhe nuk do të mbyllnin derën e avionit pa u veshur ajo me maskë. Choudhry tha se ai e pranoi menjëherë kërkon, por jo vajzat e tij.
Ai thotë se tre-vjeçarja e vendosi maskën, pas disa nazeve.
“Por vajza ime më e vogël ishte shumë e vështirë, ajo ishte në thelb histerike”. Choudhry thotë se ajo ishte aq e mërzitur sa që volli.
Ai thotë se kompania WestJet ishte agresive dhe u tha atyre se për shkak se vajza e tij e vogël nuk kishte veshur maskë dhe nuk donte të mbante maskë, e gjithë familja do të duhej të largohej.
Choudhry thotë se ai dhe gruaja e tij ishin të respektueshëm dhe në fund ranë dakord të largoheshin. Por më vonë mësoi se sipas politikës kanadeze të transportit, vetëm fëmijëve mbi dy vjeç u kërkohet të mbajnë një maskë, dhe kështu fëmija i tij 19 muajsh nuk kishte pse të vishte një.
Por kompania këmbëngul se ishte vajza 3-vjeçe ajo që s’mbante maskë dhe për këtë iu desh të thirrnin policinë. Pasi punonjësit e policisë hynë në avion, fluturimi u detyrua të shtyhej për ditën tjetër.
Earlier today my family endure the most horrific & dehumanizing treatment onboard @WestJet plane. My wife was threatening to be arrested & forcibly removed unless my daughters, 3 yrs & 19 months would wear a mask. While my 3yrs wore her mask, the 19 months old was hysterical. pic.twitter.com/MHnaTnKgCU
— Safwan Choudhry (@SafwanChoudhry) September 9, 2020
Në një video, një oficer policie u shpjegon pasagjerëve se ndërsa çështja e maskës me të madhen ishte “zgjidhur”, “sjellja e pasagjerëve të tjerë e la pjesën tjetër të ekuipazhit të ndihej e pasigurt”.
Disa pasagjerë mund të dëgjohen në video duke goditur policinë dhe ekuipazhin. Oficeri më pas konfirmon se kur ai arriti, fëmija më i madh kishte veshur një maskë.
