Vendosni fjalën kyçe....

Hëna po “ndryshket” në mënyrë misterioze, përkundër mungesës së ajrit dhe ujit të lëngshëm


Përpara një sërë misionesh të reja në satelitin natyror të Tokës, studiuesit kanë zbuluar një anomali të çuditshme dhe të papritur në sipërfaqen hënore: Hëna pa ujë e pa ajër po ‘ndryshket’.

Ky zbulim hutues i ka rrënjët në vitin 2008 kur orbita Chandrayaan-1 e Organizatës Indiane të Kërkimit Hapësinor vëzhgoi sipërfaqen e Hënës dhe zbuloi njolla akulli.

Vetëm vonë, Shuai Li i Universitetit të Haëaii-t dhe kolegët e tij studiues zbuluan të dhëna që përputheshin me oksidin e hekurit, hematitin, një formë ndryshku që normalisht kërkon praninë e oksigjenit dhe ujit.

“Është shumë e çuditshme.” – tha Li.

“Hëna është një mjedis i pamundur për të formuar hematitin.” – shtoi ai.

Që hekuri të ndryshket, ai ka nevojë për një oksidues, por falë erës diellore nga dielli, sipërfaqja hënore bombardohet me hidrogjen, krejt e kundërta e një oksiduesi, i cili shton elektronet në vend që t’i marrë ato nga materialet me të cilat bashkëvepron.

Studiuesit pohojnë se gjurmët e oksigjenit në Hënë në të vërtetë vijnë nga atmosfera e Tokës, të bartura nga fusha e zgjeruar magnetike e planetit, e njohur si magnetotail.