Policia ka dhënë detaje lidhur me ngjarjen ku humbi jetën një fëmijë dhe u plagos një tjetër nga shpërthimi i një granate.
Ngjarja ndodhi në fshatin Siman të Gramshit.
Dy fëmiëjt ishin duke luajtur në oborrin e shtëpisë me një granatë të vjetër e cila ka shpërthyer duke i plagosur.
Rrugës për në spital ndërroi jetë fëmija me iniciale A.Ll rreth 6 vjeç ndërsa bashkëmoshatari i tij me iniciale A.L ndodhet në spital.
“Në fshatin Siman, Gramsh, dy fëmijë, A.Ll., rreth 6 vjeç dhe A.L., rreth 5 vjeç , në oborrin e banesës së shtetasit R.LL, duke luajtur me një granatë të vjetër, ka shpërthyer dhe si pasojë janë plagosur të dy fëmijët e mitur. Fëmija A.Ll., ka ndërruar jetë rrugës për në Spital, ndërsa shtetasi A.L., ndodhet nën kujdesin e mjekëve.
Grupi hetimor ndodhet në vendngjarje dhe po punon për dokumentimin e plotë të rrethanave të ngjarjes”-njofton policia.
