Aktivistët e Organizatës Politike janë futur në Inspektoriatin e Punës pas vdekjes së një 39-vjeçari në vendin e punës ditën e djeshme në Tiranë.
Ata kanë ngjitur pankarta në muret dhe dyert e institucionit teksa thërrisnin se disa punëtorë kishin humbur jetën në Tiranë javët e fundit. Ata janë përplasur më pas me rojen private të institucionit i cili u përpoq t’i ndalonte.
39-vjeçari humbi jetën ditën e djeshme në vendin e punës në zonën e Medresesë ndërsa dyshohet se shkak i vdekjes është rënia në kontakt me energjinë elektrike.
