5 persona janë vrarë nga një sulm në një hotel në kryeqytetin e Somalisë, Mogadishu.
Videoja e postuar në mediat sociale tregon një shtëllungë të madhe tymi që del nga skena e sulmit.
Sipas mediave vendase bëhet fjalë për hotelin ‘Elite’, ndërsa të shtënat me armë mund të dëgjohen në sfond.
Mediat lokale raportuan se një shpërthim i fuqishëm ndodhi në hotel para se të niste sulmi nga personat e armatosur. Përgjegjësinë për sulmin nuk e ka marrë ende asnjë grup.
“Ka vdekje dhe plagosje të civilëve që po kalonin pranë hotelit dhe të tjerëve që ishin brenda hotelit. Midis të vdekurve është një drejtor i Ministrisë së Informacionit.” – tha agjencia shtetërore e lajmeve SONNA, duke cituar zëdhënësin e Ministrisë së Informacionit, Ismail Mukhtar Omar.
Të paktën 28 persona u plagosën në sulm, njoftuan mediat duke cituar shërbimin e ambulancës.
