Konsulli shqiptar në Janinë Eltion Vërleni në një prononcim për mediat deklaroi se janë në negociata me palën greke për të zgjidhur problematikën e krijimit të radhëve në doganën e Kakavijës.
Sipas tij deri më tani janë shtuar sportelet dhe do vijohet që të shtohet numri i personave që kalojnë kufirin.
“Kemi folur me palën greke. Ata kanë shtuar sportelet, nga 2 janë bërë 3 sportele. Gjithashtu është rritur stafi i palës greke. Po negociojmë që pala helene të hapë kufirin edhe gjatë natës.
Jemi në negociata edhe për të shtuar numrin e qytetarëve shqiptarë që kalojnë kufirin. Sot kalojnë 4000 qytetarë, nga 1000 që ishin më parë.
Kemi kërkuar që të shtohet staf mjekësor, staf në doganë etj”-deklaroi Konsulli shqiptar.
