Vendosni fjalën kyçe....

Besimtarët myslimanë festojnë sot Kurban Bajramin, por nën rregulla strikte (VIDEO)


Besimtarët myslimanë në të gjithë botën festojnë sot Kurban Bajramin. Dhe ndryshe nga çdo vit tjetër besimtarët kanë qenë të detyruar të zbatojnë disa rregulla: Të vendosin maska e të respektojnë distancën sociale për shkak të pandemisë së Covid-19.

Në vendin tonë, besimtarët e kanë nisur këtë ditë me faljen e namazit nëpër xhami, dhe në sheshet pranë tyre. Të shumtë kanë qenë ata që kanë respektuar distancën si dhe kanë vendosur maskat, por jo të gjithë i kanë zbatuar këto rregulla.

Ceremonia qendore e Kurban Bajramit, ku i pranishëm ishte dhe kryetari i Komunitetit Mysliman, H. Bujar Spahiu, u zhvillua në xhaminë e “Kokonozit” (Pazari i ri) Tiranë, ndërkohë që falja e Namazit ishte në 06:30, ndërsa Hytbeja e Kurbanit në 06:35.


Leave a Reply

Your email address will not be published. Required fields are marked *