Fotografitë e bëra rishtas tregojnë një fenomen ndëryjor, që flakëron krahët e tij eterik në hollësi mahnitëse. Pamja spektakolare vjen nga një mjegullnajë gazi shumë simetrike e njohur si NGC 2899.
Pamja u kap si pjesë e programit Gurët Kozmikë të Observatorit Evropian Jugor (ESO), për qëllime arsimimi dhe afrimi të publikut.
Duke parë një hapësirë të thellë përmes teleskopit gjigant ESO, astronomët shijuan një pamje të flluskës së madhe të gazit të ndezur, në një formë gati simetrike që i ngjan një fluture, midis 3.000 dhe 6.500 vjet dritë larg nga Toka.
Megjithëse mjegullnaja u zbulua nga astronomi britanik John Herschel në 1835, askush nuk e ka parë ndonjëherë atë në një rezolutë kaq të lartë më parë.
Shtrirja e krahëve të fluturës arrin gati 19 trilionë kilometra, ose dy vjet dritë. Ajo është gjithashtu tepër e nxehtë, pasi hidrogjeni dhe oksigjeni që përbëjnë ‘trupin’ e tij nxehen në rreth 10,000 gradë Celsius (dy herë më i nxehtë se Dielli) falë dy yjeve në qendër të tij, të cilat besohet se i japin asaj pamjen e tij simetrike.
