Gjykata e Shkodrës ka dhënë dënimin “detyrim paraqitje” për Behar Bajrin i arrestuar në Roterdam të Hollandës dhe u ekstradua në Shqipëri në 2019.
Behari u akuzua fillimisht nga prokuroria për grup të strukturuar kriminal. Pjestarë të tjerë të të ashtëquajturit grupi Bajri u arrestuan në Shkodër në kuadër në një operacioni të quajtur “Oaz” në vitin 2018.
Behar Bajri akuzohet se e vrau Fabiola Bajrin më 20 qershor 2002 në gjumë. Ata ishin të fejuar prej 3 muajsh, megjithëse Fabiola ishte e mitur.
Sipas të dhënave, vrasja ka ndodhur pasi ajo i ka kërkuar leje për të shkuar diku. Bajri e ka refuzuar dhe ka patur përballë shpërthimin emocional të të miturës.
Pas vrasjes ai iku nga Shqipëria.Vrasja e të miturës u zbulua nga pozicioni i plumbit që kishte marrë, që ishte poshtë parakrahu. Ndërkohë që pistoleta, e gjetur në banesën e Bajrit, rezultoi se ishte arma e përdorur në vrasjen e Fabiolës dhe Arben Tuzit.
