Policia ka gjetur armët që janë përdorur në ekzekutimin e dy bizn esmenëve, Bujar Lika dhe Paulin Gjergji në Laç.
Dy armë zjarri janë gjetur në Qytet Studenti pranë spitalit privat ku u mjekua ilegalisht Eduart Lamaj, i cili është i dyshuari kryesor për krimin e ndodhur në datën 30 maj.
Armët dyshohet se janë fshehur aty nga Lamaj dhe pas sekuestrimit kanë kaluar në laboratorin shkencor për analizim të gjurmëve.
Kujtojmë se në dëshminë e tij para policisë, Lamaj ka pranuar krimin duke thënë se kishte shkuar aty jo për t’i vrarë por për t’i shkatërruar hotelin, pasi i kishin para borxh.
“Më kishte borxh dhe shkova që t’i shkatërroja hotelin, nuk kisha qëllim që ti vrisja. Ata më gjuajtën me armë dhe unë u kundërpërgjigja për vetëmbrojtje”, janë fjalët e Lamajt.
Por policia thotë se ky version bie poshtë, pasi siç kanë treguar kamerat e sigurisë, atentatorët kishin shkuar të përgatitur me veshje policie dhe me armë.
