Me tone të larta ka folur sot kryeministri Edi Rama në Kuvend, lidhur me aktakuzën ndaj presidentit të Kosovës Hashim Thaçi dhe ish-Kryeparlamentarit, Kadri Veseli.
Rama tha se me njoftimin e djeshëm, u përmbys peshorja mes viktimës që ishin shqiptarët e Kosovës dhe xhelatit të luftës, që ishte Serbia.
Ndërsa komentonte teksin për akuzat ndaj Thaçit e Veselit, Rama tha se agresorët në Serbi nuk janë dënuar në 21 vite nga lufta, por janë rehabilituar. Ndërkohë që në Kosovë sipas tij është lëshuar ofensiva e agresionit, në Serbi janë bërë thjesht viktima të agresionit.
Gjatë fjalës së tij, Rama kujtoi se Beogradin nuk e bombarduan liderët e Kosovës, por bota demokratike.
“Nuk ka luftë pa gabime, por asnjë vendim qoftë i gabuar nuk mund ta përmbysë peshoren e drejtësisë historike duke vendosur, dhe ne mund ta themi, se sot u bënë 21 vite dhe pas 21 vitesh del një tekst që në mënyrë sa implicite dhe indijuese vendos një shenjë barazimi në raport me një proces të tërë mes viktimës dhe xhelatit, madje nëse dikujt do të rrudhë buzë kudo qoftë, shenjë barazimi do i duket e tepërt do i duket e butë, pasi është përmbysur komplet peshorja mes viktimës dhe xhelatit të luftës së Kosovës.
Një ndërmarrje barbarie shtetërore e organizuar nga Miloshevici dhe rrethi i tij vrau 10 mijë civilë të pafajshëm, dhunoi 20 mijë gra dhe nxori me dhunë ushtarake dhe paraushtarake një milion shqiptarë nga Kosova brenda pak javësh se nuk po u hyj llogarive të dëmeve të tjera psikologjike dhe materiale dhe tani që flasim dhe lexojmë aty një njoftim që flet rreth 100 viktima, ca është kjo? Si mund të jetë një njoftim, për të paralajmëruar një akt akuzë dhe flitet me rreth 100, po pse jo një mijë? Pra në të njëjtën kohë që shkruhet kjo, në nën tokën e Serbisë vijojnë që të kërkojnë drejtësi.
Nuk e di të ketë pasur apo ketë ndonjë akt akuzë, se nuk ka në fakt asnjë lloj tendence në horizont për ndonjë gjykatë speciale dhe në këtë moment dorën në zemër kur thonë në Kosovë është e pashmangshme të mos kujtohen historitë e mizorive në Kosovë. Këtu nuk është fjala për të dalë kundër drejtësisë por për të thënë të vërtetën. Në fund të ditës, këto karrige prej druri nuk kanë asnjë vlerë ka vlerë sa përdoret për të thënë të vërtetën, që në moment të caktuar mund të mos u vijë përshtat shumë miqve të mirë të mëdhenj.
Një numër i madh krimesh të kryera prej disa udhëheqësve serbomëdhenj është dënuar në tribunalin e Hagës, por po të shohësh në pasqyrë, gjykatat vendore të Kosovës dhe Serbisë, çfarë lexon në 21 vite? Faktin e trishtueshëm që duket se në Kosovë është lëshuar ofensiva e agresionit dhe në Serbi janë viktima të agresionit.
Në Serbi për krimet ndaj shqiptarëve, zero me një xhufkë turpëruese. Nuk i kam parë jo të revoltohen, por së paku të kërkojnë të paktën të njëjtën gjë në anën e rrethit të agresorëve me në krye Miloshevicin, madje një proces rehabilitimi dhe viktimizimi vazhdon me sukses për fatin e keq dhe për përgjegjësinë e anës sonë dua ta them.
Vetëm ti numërosh gjykata vendore në Kosovë dhe rastet e hetuara të stërhetuara në territorin e Kosovës me mbështetjen e pandërprereë të autoriteteve shqiptare lodhesh. Po në Serbi? Zero.
Në Kosovë është pasçlirimi dhe në Serbi është pasbombardimi. Serbinë s’e bombardoi Thaçi dhe Veseli por bota demokratike. Serbia nuk ishte viktimë ishte agresori.
Pse duhet të flasim për pastërtinë e Kosovës, ku këtu flitet konkretisht në gjithë këto procese, pa ata të cilët Kosova do vazhdonte të kishte mbi kokë kushedi se kë.”– tha Rama.
