Pekini mund të jetë duke planifikuar një sulm ndaj SHBA-ve, që synon rrjetin elektrik të vendit me një puls të madh elektromagnetik (EMP), duke bërë që i gjithë vendi të goditej nga errësira masive, paralajmëron një raport i ri.
Një analizë e planit të supozuar të sulmit kinez u publikua kohët e fundit nga Task Force EMP për Atdheun dhe Sigurinë Kombëtare – një organizatë joqeveritare me një qëllim të deklaruar për të bashkuar ‘qytetarë, inxhinierë, ekspertë të fushës dhe të tjerë’ për të forcuar rrjetin elektrik amerikan.
Sipas raportit, i shkruar nga drejtori ekzekutiv i grupit Peter Pry, Kina nuk do të tërhiqej nga nisja e një sulmi bërthamor kundër SHBA-ve, pavarësisht se pretendon se është e detyruar nga politika që nuk e lejon të nisë e para një sulm të tillë.
Sipas raportit, Pekini planifikon të godasë SHBA-të me armë EMP të cilat do të shkatërrojnë rrjetin elektrik të vendit, duke e dërguar atë në kaos dhe duke lehtësuar një sulm të gjithanshëm.
Arma “Super-EMP” u zhvillua në Kinë ‘bazuar në informacionin e projektimit të vjedhur nga laboratorët e armëve bërthamore të SHBA-ve’, pohoi Pry.
EMP-të përdorin koka bërthamore me rendiment të ulët, të modeluara posaçërisht për të maksimizuar emetimet elektromagnetike sesa fuqinë shkatërruese fizike, por Kina i klasifikon ato si armë kibernetike, pretendon raporti.
