Vendosni fjalën kyçe....

Grumbullimet te Liqeni “i hanë kokën” shefit të Komisariatit 1, Rama e njoftoi në Facebook shkarkimin


Oliger Torba është emëruar shefi i Komisariatit 1 në Tiranë, pas shkarkimit dy ditë më parë të Oltion Agollit.

Torba u emërua ditën e sotme nga kreu i policisë, Veliu, ndërsa shkarkimi i tij u njoftua dy ditë më parë nga kryeministri Rama gjatë një komunikimi në rrjetet sociale.

Shkak për këtë sipas kreut të qeverisë është bërë numri i lartë i qytetarëve në Parkun e Liqenit përtej orarit të lejuar.

“Dje është shkarkuar shefi i komisariatit të mbulon zonën e Parkut të Liqenit sepse përtej orarit kishte një numër të lartë njerëzish. Mos u çudisni të mbyllemi prapë. Nëse numrat do të flasin kështu, nuk ka shans që Tirana të dalë në zonë e gjelbër. Vendimi do të merret nesër për fundjavën. Në Greqi nuk kalon dot nga një qark në një qark tjetër.” – tha Rama.

Torba ka qenë shef krimesh te Komisariati 1 para emërimit në detyrën e re.


Leave a Reply

Your email address will not be published. Required fields are marked *