Vendosni fjalën kyçe....

Basha takon qytetarët: Mbi 70% e shqiptarëve pa asnjë ndihmë ekonomike


Kryetari i Partisë Demokratike, Lulzim Basha, vijon takimet në terren me qytetarët, me të cilat ka diskutuar mbi situatën ekonomike të kushtëzuar nga pandemia e COVID-19.

Kryedemokrati akuzon kryeministrin Edi Rama se është ai që po e çon biznesin në kolaps dhe qytetarët drejt varfërisë, për shkak të mungesës totale të ndihmës nga ana e shtetit.

“Sa më shumë qytetarë takoj aq më prezent bëhet shqetësimi për rrënimin e ekonomisë shqiptare. Faturat dhe taksat e larta, rënia drastike e konsumit por edhe mungesa totale e ndihmës nga ana e qeverisë Rama po e çojnë biznesin në kolaps dhe qytetarët drejt varfërisë së pashmangshme. Sot në Shqipëri ka 10 herë më shumë të papunë prej keqmenaxhimit të krizës nga Rama, krahasuar me vendet e tjera të rajonit.

Të rinisësh normalitetin pa strategji dhe pa ndihmë konkrete siç bën Rama do të thotë t’i çosh qytetarët drejt krizës së thellë ekonomike dhe greminës së mjerimit. “– shkruan Basha.

Sipas tij, mbi 70% e shqiptarëve janë sot pa asnjë ndihmë ekonomike dhe pa të ardhura.

“Pandemia ekonomike ka prekur shumicën e familjeve shqiptare që sot më shumë se kurrë kanë nevojë për ndihmë dhe mbështetje konkrete. Dhe jo për fjalë dhe show në Facebook.

Mbi 70% e shqiptarëve janë sot pa asnjë ndihmë ekonomike dhe pa të ardhura. Ndërsa vendi zhytet në varfëri Rama vazhdon të mendojë vetëm për karrigen dhe xhepat e tij dhe të 10 oligarkëve, klientë të tij.”- thotë kryetari i PD-së.


Leave a Reply

Your email address will not be published. Required fields are marked *