Një 26-vjeçar ka ndërruar jetë në Kosovë pasi është hedhur nga ballkoni i një konvikti në Qendrën e Studentëve, që po shërben si karantinë.
Sipas babait të të riut, përgjegjës për vdekjen e tij janë kryeministri Kurti, ministri i Brendshëm, Sveçla e ai i Shëndetësisë, Vitia.
Ai ka deklaruar për mediat në Kosovë, se i biri kishte pasur probleme në veshka dhe ishte kthyer në Kosovë me ndërmjetësimin e kreut e Gjilanit, Lutfi Haziri e ambasadorin e Kosovës në Gjermani, Beq Cufaj, shkruan Koha.
Sipas babait të viktimës, atë nuk e kishin lënë të takohej me të birin ndërsa shtoi se ai kishte pasur shmë stres gjatë kësaj periudhe që prej kthimit nga Gjermania, ku studionte magjistraturë.
Ai theksoi se dokumentet e paraqitura prej tij nuk janë marrë parasysh nga autoritetet, të cilat i bën përgjegjëse për ngjarjen e rëndë.