Vendosni fjalën kyçe....

Basha takon përfaqësuesit e fasonëve: Qeveria po i shtyn drejt mbylljes me protokollin e kuq


Kreu i Partisë Demokratike Lulzim Basha, takoi ditën e sotme përfaqësuesit e Unionit të Fasonitëve të Shqipërisë, Gjergj Lika dhe Florian Zekja.

Basha thotë se fasonët po përballen në këtë kohë të pandemisë, me probleme të shumta që nga likujditeti, rënia e prodhimi dhe mungesa e shitjeve.

Sot bisedova me përfaqësuesit e Unionit të Fasonistëve të Shqipërisë, z.Gjergji Gjika dhe z. Florian Zekja mbi shqetësimet e tyre të mëdha për krizën.

Fasonët po përballen me probleme, nga rënia e prodhimit dhe e shitjeve tek mungesa e likuiditetit për të paguar detyrimet ndaj shtetit dhe pagat e punonjësve. Në vend të mbështetjes për të mbrojtur vendet e punës, qeveria ka shtuar kostot e tyre, duke rrezikuar mbijetesën e qindra ndërmarrjeve”-shkrua Basha.

Kryedemokrati vuri theksin te zbatimi i rregjullave higjienike të paracaktuara nga qeveria duke thënë se protokolli i kuq është i pazbatueshëm dhe i çon fasonet drej mbylljes.  

“Me “protokollin e kuq” krejtësisht të pazbatueshëm, qeveria po i shtyn fasonët drejt mbylljes, pa patur detyrimin për ti mbështetur financiarisht punonjësit e tyre. Nëse fasonët falimentojnë, 70 mijë punonjës humbin vendin e punës. Kjo duhet parandaluar urgjentisht.

Është koha që fondet që shpërdorohen në mënyrë korruptive, të shkojnë në mbështetje dhe mbrojtje të punonjësve dhe të bizneseve duke rritur ndihmën ndaj tyre.

Ndërkohë që qeveria vazhdon edhe gjatë këtyre ditëve të paguajë miliona për koncesionet, rritja e papunësisë po kthehet në një plagë edhe më të rëndë, dhe varfëria po thellohet frikshëm.

Paratë e taksave të shqiptarëve sot duhet të shkojnë të gjitha në ndihmë të njerëzve dhe të ekonomisë. Njerëzit meritojnë mbështetjen e munguar ekonomike, biznesi sot ka nevojë për mbështetje, ekonomia ka nevojë për frymëmarrje dhe likuiditet, ndërsa qeveria e ka për DETYRË t’ju garantojë atyre ndihmën financiare që ju takon”-thotë kryedemokrati.


Leave a Reply

Your email address will not be published. Required fields are marked *