Një plagosje me armë zjarri ka ndodhur në Shkodër. Ngjarja ka ndodhur pranë Urës së Bunës ndërsa i plagosur ka mbetur 50-vjeçari Gëzim Bici.
Ai është prekur nga plumbi në qafë dhe ndodhet në reanimacion në spitalin e Shkodrës.
Policia ka ngritur pika të shumta kontrolli në gjithë hyrje-daljet e qytetit për kapjen e autorit të dyshuar të plagosjes.
Ditën e djeshme vendi u trondit nga 4 vrasje, dy në Durrës e dy në Lezhë.
Dy vëllezër u ekzekutuan brenda makinës së tyre pranë tregut të makinave, në zonën e Shkozetit ndërsa në Lezhë dy persona u gjetën të vrarë në fshatin Lajm i Vjetër.
Autori i dyshuar i vrasjes në Lezhë është ndaluar nga policia pak orë pas krimit.
*Video Credit: Syri
