Ditën e sotme janë rikthyer nga Vjena, 82 shtetas shqiptarë të cilët kishin mbetur jashtë kufijve pas bllokimit të tyre për shkak të shpërthimit të koronavirusit.
Avioni i mbërritur në Rinas bëri të mundur rikthimin e qytetarve që qëndronin prej javësh të bllokuar jashtë, ndërsa të pyetur pasi zbritën ata janë shprehur të pakënaqur me çmimet duke i konsideruar të larta.
“Po çmimet të shtrenjta janë, u mërzitëm atje dhe çmimet që u vendosëm ishim të detyruar me i bo. 3 javë e kishim ne, na u shtuan dhe 1 muaj gati qëndruam 2 muaj”-tha një qytetar për Report TV.
