Klinika Infektive e QKUK-së, në Kosovë ka njoftuar se sonte gjatë mbrëmjes ka vdekur pacientja me iniciale F.G, 73-vjeç.
Vdekja e 73-vjecarës e çon numrin e viktimave nga koronavirusi në Kosovë në gjithsej 20.
Viktima, 73-vjecare ishte nga komuna e Shtimes. Ajo është hospitalizuar në Klinikën Infektive nga data 20 e këtij muaji.
Përveç koronavirusit, pacientja ishte diagnostikuar edhe me sëmundje të tjera kronike.
“Klinika Infektive e QKUK-së ka njoftuar se sonte në mbrëmje (25. 04. 2020) në këtë klinikë ka ndërruar jetë pacientja F.G. (1947), nga komuna e Shtimes. Pacientja është spitalizuar në Klinikën Infektive me datën 20.04.2020, dhe krahas infeksionit COVID-19 ka qenë e diagnostikuar edhe me sëmundje të tjera kronike. Kjo është vdekja e 15 në QKUK nga Covid-19 dhe e njëzeta (20) në nivel vendi nga kjo sëmundje”-thuhet në njoftim.
