Vendosni fjalën kyçe....

Trump këmbëngul: Duam të hyjmë në Kinë, të hetojmë për koronavirusin


Presidenti Donald Trump tha të dielën se SHBA-ja ende dëshiron që investiguesit të shkojnë në Kinë për të hetuar shpërthimin e koronavirusit.

Siç shkruan CNN, SHBA-ja ka bërë më parë disa kërkesa lidhur me këtë, të cilat janë kundërshtuar.

Shtëpia e Bardhë e ka akuzuar vazhdimisht Kinën se i ka mbajtur të fshehta informacionet e sakta në lidhje me shtrirjen e virusit brenda vendit.

“Ne po flasim me Kinën. Ne u kërkuam atyre para shumë kohësh për të hyrë brenda. Ne duam të hyjmë”– tha Trump në një konferencë.

Në të njëjtën konferencë, Trump bëri thirrje dhe OBSH-së që të bëjë punën e saj duke çuar ekspertë në Kinë për të vlerësuar situatën. Sipas tij, nëse OBSH do ta bënte më parë këtë, shpërthimi i koronavirusit mund të ishte përmbajtur, duke shkaktuar më pak viktima.