Shkencëtarët në Australi kanë zbuluar se një ilaç anti-parazitar i disponueshëm në treg ‘mund të vrasë’ kulturën qelizore në rritje të koronavirusit vdekjeprurës brenda 48 orëve.
Sidoqoftë, studiuesit thonë se ilaçi nuk mund të përdoret tek njerëzit për COVID-19 derisa testimet e mëtejshme dhe provat klinike të dëshmojnë sigurinë dhe efektivitetin e tij.
“Shkencëtarët treguan se një dozë e vetme e barit, Ivermectin, mund të ndalojë rritjen e virusit SARS-CoV-2 [COVID-19] në kulturën e qelizave,” thuhet në një deklaratë të Universitetit Monash me qendër në Melburn, ku bazohet studimi.
“Përdorimi i mundshëm i Ivermectin për të luftuar COVID-19 mbetet i paprovuar dhe varet nga financimi për të përparuar punën në fazat e ardhshme,” shtoi deklarata.
Ivermectin gjithashtu ka qenë efektiv kundër HIV-it, etheve tropikale, gripit dhe virusit Zika.
