Ministria e Shëndetësisë ka zbuluar sot se është rritur numri i pacientëve të shtruar në spitalin Infektiv. Ndërkohë që dje ishin të shtruar 37 pacientë, numri i tyre sot është rritur në 43.
Ndërkohë që numri total i të infektuarve në vend ka shkuar në 89.
Drejtoresha e Institutit të Shëndetit Publik, Albana Fico, tha se katër prej tyre janë në terapi intensive, në situatë të njëjtë klinike. Ndërsa pjesa tjetër e të shtruarve në pavion janë në gjendje të stabilizuar deri në këto momente.
Mosha mesatare e rasteve që janë shtruar në spital është 54 vjeç.
Ministria e Shëndetësisë i ka bërë sot thirrje qytetarëve, që nëse kanë shenja të sëmundjes dhe për rastet e urgjencave duhet të telefonohet numri unik i urgjencës kombëtare 127 dhe të shkojnë menjëherë vetë në spital, pasi kështu rrezikojnë personelin mjekësor.
RASTET:
- Tiranë 63 qytetarë
• Durrës 6 qytetarë
• Lushnje 2 qytetarë
• Elbasan 2 qytetarë
• Fier 8 qytetarë
• Rrogozhinë 2 qytetarë
• Kavajë 3 qytetarë
• Korçë 3 qytetarë
