Çmimet e karburantit të papërpunuar arritën nivelin më të ulët në 17 vitet e fundit, teksa rënia vijoi edhe të mërkurën mes frikës që ka mbërthyer globin pas shpërthimit të koronavirusit.
Në treg është ulur ndjeshëm kërkesa për naftë e duke i shtuar frikën e një krize ekonomike, çmimet kanë rënë ndjeshëm duke u tregtuar me 26 dollarë për fuçi.
Kërkesa për naftë mbetet e dobët për shkak të pandemisë koronavirus.
Sëmundja, e cila besohet të ketë origjinën nga konsumatori më i madh në botë i naftës, Kina, tani po drejtohet nëpër Evropë, SHBA dhe Lindjen e Mesme, duke marrë jetën e më shumë se 8000 personave dhe duke infektuar më shumë se 200 mijë persona.
