79 viktima nga koronavirusi numëron deri tani Italia, ndërsa numri i të prekurve është më shumë se 2500.
Nga të prekurit 160 janë shëruar ndërsa autoritetet italiane pritet të vendosin rregulla të reja për frenimin e përhapjes së virusit.
Personat e moshuar do të duhet të qëndrojnë në banesat e tyre e të mos dalin në mjedise publike.
Rregullat e reja përfshijnë vendosjen e një largësie prej dy metrash mes qytetarëve, përshëndetjet mes tyre duhet të bëhen nga larg, pa puthje e pa dhënie dore.
Ndërsa qytetarët që janë me temperaturë duhet të qëndrojnë në shtëpi edhe nëse nuk dyshojnë se janë prekur nga koronavirusi.
