Vendosni fjalën kyçe....

Arrestohen 2 tifozë pas incidenteve në derbin Tirana-Partizani


Dy të rinj janë arrestuar pas ndeshjes së mbrëmshme midis ekipit të Tiranës dhe Partizanit, në stadiumin “Air Albania”.

Ata akuzohen për shkatërrim të pronës, prishje të rendit e qetësisë dhe hedhje të sendeve të forta në fushë.

Ndeshja e cila përfundoi me një rezultat të turpshëm për demat e kuq (5:1), shkaktoi përplasje mes tifozëve.

Përpos dy personave në pranga, 9 tifozë të tjerë janë në procedim në gjendje të lirë.

Detajet e policisë

11 të proceduar, ndër ta dy të arrestuar për shkatërrim të pronës, prishje të rendit e qetësisë dhe hedhje të sendeve të forta në fushë, gjatë zhvillimit të ndeshjes së futbollit midis ekipit të Tiranës dhe Partizanit, në stadiumin “Air Albania”.

Më datë 28.02.2020, në orën 19:00, në stadiumin “Air Albania” u zhvillua ndeshja e futbollit ndërmjet skuadrave të Tiranës dhe Partizanit.

Gjatë zhvillimit të ndeshjes së futbollit janë kryer veprime të dhunshme nga tifozët, janë hedhur sendet të forta në fushën e lojës, janë dëmtuar stolat, si dhe janë futur në fushën e lojës gjatë zhvillimit të ndeshjes.

Pas veprimeve të shpejta hetimore të kryera nga ana e Seksionit për Hetimin e Krimit në Komisariatin e Policisë Nr. 1 Tiranë, janë identifikuar dhe arrestuar në flagrancë dy tifozë, për veprat penale “Veprime të dhunshme në aktivitetet sportive” dhe “Shkatërrimi i pronës”, konkretisht:

A.M., 24 vjeç dhe M.U, 27 vjeç, të dy banues në Tiranë.

Gjithashtu u proceduan në gjendje të lirë për veprën penale “Shkatërrim prone” dhe 9 tifozë të tjerë, konkretisht shtetasit: M.H, A.P, G.M, L.T, A.M, A.O, K.R, R.J dhe K.M

Vijon puna për kapjen e personave të shpallur në kërkim dhe identifikimin e prsonave të tjerë të përfshirë në këto veprime të kundërligjshme.

Materialet hetimore do t’i referohen Prokurorisë Pranë Gjykatës së Shkallës së Parë Tiranë, për veprime të mëtejshme.


Leave a Reply

Your email address will not be published. Required fields are marked *