Dy zyrtarë lokal të agjencisë së Sigurimeve Shoqërore të Krujës, janë shkarkuar nga puna, pas denoncimit se kishin marrë ryshfet.
Në njoftimin për shtyp, Drejtoria e Përgjithshme e Sigurimeve Shoqërore me firmën e kreut të institucionit Astrit Hado, njofton shkarkimin e dy zyrtarëve Eduart Zogu dhe Ibrahim Gurra dhe nisjen e procedurave për ndjekjen në rrugë ligjore të dy zyrtarëve.
Ata u denoncuan sot në emisionin investigativ “Fiks Fare”, ku i morën 900 mijë lekë ryshfet një 70-vjeçari, të cilin e sorrollatën për 4 vite, duke i mohuar kontributet për 10 vite.
“Shkarkohen dy zyrtarët lokalë të Agjencisë Lokale të Instituti të Sigurimeve Shoqërore lokale në Krujë. Nisur nga denoncimi i bërë sonte në emisionin “Fiks Fare” në Televizionin Kombëtar Top-Channel nga qytetari Hamid Lama, se ka paguar dy shuma të ndryshme (dhënë me regjistrim me figurë nga ky televizon), ndaj dy zyrtarëve të Agjencisë Lokale të Institutit të Sigurimeve Shoqërore, Krujë, Eduart Zogu, me detyrë përgjegjësi i agjencisë së Krujës, si dhe inspektorit të bujkut në këtë Agjenci, Ibrahim Gurra, drejtori i Përgjithshëm i ISSH-së, Z. Astrit Hado, vendosi menjëherë shkarkimin nga puna dhe nisjen e procedurave për ndjekjen në rrugë ligjore të dy zyrtarëve. Z. Hado ka falënderuar median që ka bërë të mundur zbardhjen e rasteve abuzive, duke i hapur rrugën kështu pastrimit të institucionit nga çdo zyrtar që abuzon me detyrën e tij”-thuhet në njoftim.
Denoncimi i plotë i Fiks-Fare:
Në redaksinë e emisionit “Fiks Fare” u ankua Hamit Lama, 70 vjeç nga Kruja, i cili po bën disa vite që ka mbushur moshën për të dalë në pension. Ai tha se akoma edhe sot nuk ka mundur që ta marrë pensionin e plotë. “Nga 20 vite kontribute vullnetare të sigurimeve shoqërore, vetëm gjysmën ma kanë njohur inspektorët e ISSH Durrës” thotë ai. Më tej shton se ka dorëzuar të gjithë dokumentet për ta përfituar, por ISSH-ja i ka kthyer pas 6 muajsh përgjigje negative, duke mos i njohur plotë 10 vite kontribute të derdhura nga ai vetë.
Lama thotë në muajin maj të vitit 2018 ka bërë kërkesë në Gjykatën Administrative Durrës dhe është thirrur nga gjykata vetëm një vit më pas. Ai thotë se iu refuzua hapja e një procesi gjyqësor. “Pas këtij refuzimi shkova në zyrën e Sigurimeve Shoqërore të Krujës dhe zyrtarët më thanë se ti sorollatesh kot. Më pyetën nëse e doja pensionin e plotë. I pyeta si i bëhet dhe më thanë na sill 500 mijë lekë të vjetra. Madje, me këtë shumë duhet ta kisha përfituar me kohë” thotë qytetari. Ai shton se këtë bisedë ia bënë dy zyrtarët Ibrahim Gurra dhe përgjegjësi Eduart Zogu. “Këta më thanë se do ndërhynin edhe të gjykata. Unë lekë s’kam, prandaj jam drejtuar emisionit ‘Fiks Fare’. Ata të sigurimeve më thanë që është shtuar kuota se gjyqtarja do paratë. Ata të sigurimeve shoqërore duan paratë. Të gjithë më kërkojnë” pohon i moshuari.Por në pamundësi për të gjetur lekët dhe dhënë parat Lama kërkoi ndihmën e Fiks Fare. që në takimin e parë midis pensionist Lama dhe përgjegjësit të ISSH-së Krujë, ky i fundit i mori 70-vjeçarit 600 mijë lekë të vjetra pasi kishte folur paraprakisht edhe me specialist në zyrën rajonale në Durrës. Këtë vlerë pensionistit ia ka komunikuar specialisti i ISSH-së Krujë Ibrahim Gurra i cili në këtë rast lunate rolin e sekserit tek përgjegjësi.
Nga bisedat e 70 vjeçarit me përgjegjësin e ISSH-së Krujë , Eduart Zogun , ky i fundit i ofron ndihmën e tij kundrejt lekëve. Zogu i tregon pensionistit se do koordinohet edhe me drejtues në zyrën rajonale në Durrës ku pasi të fitohet gjyqi nuk do të apelohet vendimi për përfitimin e pensionit të plotë.
Në disa takime që kanë bërë sëbashku, Zogu pretendon se ka komunikuar me juristen e zyrës rajonale Durrës e cila sipas tij ka marrë përsipër të flas me gjyqtaren duke e garantuar atë që nuk do e apelojë vendimin. Pas dhënies së lekëve direkt u bë i mundur hapja e gjyqit, ku pensionisti fitoi gjyqin pa qene prezent, edhe pse nuk përfaqësohej me avokat. Njoftimin e ka marr në telefon nga sekretarja e gjyqtares që e ka fituar gjyqin, por që vendimi nuk ishte zbardhur. pas vonesës së zbardhjes së vendimit pensionisti detyrohet të marrë rrugën e të paraqitet pranë gjykatës Administrative Durrës duke kontaktuar drejtpërdrejt me gjyqtaren Klodiana Veizi.
Ajo i pohon pensionistit se ia ka pranur kërkesën e njohjes së viteve të punës dhe se e ka fituar gjyqin. Por zbardhja e vendimit mund të vonojë edhe një vit shprehet gjyqtarja dhe kjo jo për faj të saj , por pasi ka 450 dosje të tjera që presin në radhë të shqyrtohen prej saj. Kur pensionisti insiston që zbardhja e vendimit të bëhet sa më shpejt gjyqtarja i thotë ” Ah kur s’të rrëzova unë ty, ah kur s’të rrëzova”.
Pas bisedës me gjyqtaren pensionisti takon juristin ku ky i fundit i pohon se vendimi ende nuk është zbardhur, por të rrijë i qetë pasi ai e ka fituar gjyqin, dhe tashmë është vetëm çështje kohe për të marrë pensionin.
Gjatë kësaj kohe pensionisti ka takuar disa herë përgjegjësin e ISSH Krujë i cili i premton se sapo të zbardhet vendimi do të ndërhyjë edhe në përllogaritjen e pensionit, pasi dosja do kalojë nga ata.
Më 28 janar 2020 zbardhet e dhe vendimi i gjykatës me fitues pensionistin që nuk i njiheshin 10 vite kontribute, por ende 70 vjeçarit nuk i ishte cëlur dosja. Sipas ligjit vendimi mund të apelohet nga institucioni brenda 15 ditëve nga data e njoftimit të dy palëve. Për këtë arsye pensionisti takon sërish përgjegjësin Zogu , i cili e siguron se duhet të kaloj kohë e caktuar në ligj për të marrë vendimi formën e prerë. Pasi për t’u mos apeluar nga institucioni ai kishte marrë 600 mijë lekë.
Një ditë pasi vendimi mori formën e prerë , përgjegjësi i ISSH-së Krujë takon pensionistin duke i kërkuar edhe 300 mijë lekë të vjetra me motivin që u duhet dhënë një kafe specialistëve që pensioni të dilte maksimal. Lekë të cilat pensionisti ia dha në zyrën e tij dhe në total u bënë plot 900 mijë lekë të vjetra që pensionisti pagoi për të fituar atë që i takonte me të drejtë.
Takim i qytetarit me Përgjegjësin e ISSH Krujë:
Përgjegjësi i ISSH Krujë – Si i ke punët, a u lodhe?
Pensionisti – Me Ibrahimin e kena ba një muhabet
Përgjegjësi i ISSH Krujë – Po
Pensionisti – Me më ndihmu sipas llafit
Përgjegjësi i ISSH Krujë – E ke tek Apeli në Durrës apo gjykata e shkallës par.
Pensionisti – Te administrativja.
Përgjegjësi i ISSH Krujë – Administrativja
Pensionisti –Në dorë e ka ndërmarrja e Durrësit ma
Përgjegjësi i ISSH Krujë – Përfaqësuesja a ka qenë një gocë bionde?
Pensionisti – Ajo goca e ato e kanë në dorë.
Përgjegjësi i ISSH Krujë – Nigjo një sekondë unë i them mos me ta ankimu. Kur e ke gjyqin e fundit? Kë ke avokat?
Pensionisti – S’kam avokat. E kam llogaritur me ju tani më këtë punë. Nuk kam mundësi me paguar në dy krahët. Si me ka kërkuar Ibrahimi i kam marr bap bap. Nuk e di kur e jep vendimin
Përgjegjësi i ISSH Krujë – Ta ka shtyrë
Pensionisti – A e ka ba në Shtator me 18
Përgjegjësi i ISSH Krujë – Po pra se ishte Gushti
Pensionisti – A je nis për Durrës?
Përgjegjësi i ISSH Krujë – Po
Pensionisti – A pimë kafe a të shoqëroi rrugës? Të jap ç’kam me të dhënë
Përgjegjësi i ISSH Krujë – Kam makinën aty poshtë, po shkoi dy minuta në banjo e ikim. Puna është se gjyqi do shtyhet deri në Shtator. Sa të shkoi një qik në banjo dh erdha.
Pensionisti – A të shkojmë direkt? Kjo është makina jote?
Përgjegjësi i ISSH Krujë – E kam poshtë, poshtë. Ma thuaj emrin gjatë ti?
Pensionisti – Hamit, Hamit Lama
Përgjegjësi i ISSH Krujë – Emri babës, babës
Pensionisti – S…
Përgjegjësi i ISSH Krujë –Gjyqi për çfarë periudhe bëhet fjalë?
Pensionisti – Punën e gjyqit e kam ba që në Maj që kaloj ore burrë?
Përgjegjësi i ISSH Krujë – Çfarë viti kanë qenë që s’njihen?
Pensionisti – 90 – 93, s’ka derdh fare sigurimet shoqërore dhe 10 vitet fundit kam kontribut si bujk. Kam kontribut 20 vite, 10 i kanë heq.
Përgjegjësi i ISSH Krujë – 10 vite bujk nuk t’i kanë njohur?
Pensionisti – S’mi kanë njohur si bujk, gjysmën.Tani ore byrazer meqenëse ke për ta bërë një fare pune
Përgjegjësi i ISSH Krujë – Them se po
Pensionisti – Unë këto kam mundësi, 600 më ka thënë ( 600 mijë lekë të vjetra)
Përgjegjësi i ISSH Krujë – Po, futi në mes. Ishalla mbaron punë i kam thënë. Më jep numrin tënd
Pensionisti – 06……..
Përgjegjësi i ISSH Krujë – Po erdha sot të bëj telefon kur të vijë. Po nuk erdha sot se nuk e di sa do vonohem nesër të bëj telefon e takohemi këtu
Takimi i dytë me Përgjegjësi i ISSH-së Krujën
Përgjegjësi i ISSH Krujë – M’i jep, dua me ja çu sa më shpejtë të dhënat. Gjyqtar më tha mua vetëm të më japi të dhënat me ça ka ça s’ka se kam me të ndihmuar shumë shpejtë.
Pensionisti – Tani kjo është gjyqtarja.
Përgjegjësi i ISSH Krujë –A ta bëj një foto unë?
Pensionisti – Po
Përgjegjësi i ISSH Krujë – Edhe ta lejë ty origjinalen.
Pensionisti –A ka noj fare garancie, si thua ti?
Përgjegjësi i ISSH Krujë – Them se po. Vetëm na jep të dhënat tha, se i lidhë punë përditë e njofin thonë lene. I thonë nuk kena për t’ja ankimuar ne, i thonë ndihmoje se s’do të prishim punë. Ata më kanë thënë se do të ndihmojnë.
Thuaj të më japi të dhënat e gjyqtarëve thuaj përveç se do ta ndihmojmë më shumë. Ja çoj sot të dhënat. Ja çoj edhe me telefon me foto se duan me ditë se kush është. Mbrapa ça të më njoftojnë ata të njoftoj unë ty. Është e mbarume kjo punë vetëm më thuaj gjyqtaren më tha.
Takimi i tretë me Pergjegjësi i ISSH Krujën
Përgjegjësi i ISSH Krujë – Tani jam duke ikur se kam punë. Kam fol me të, më ka thënë ka për të shkuar herë tjetër më tha ka për t’i mbaruar ajo punë në rregull.
Pensionisti – Tani na lind një problem se mirë se nuk do bëjnë apel ato, po mos më lënë mua ndonjë përdreçe për me ba apel unë.
Përgjegjësi i ISSH Krujë – Jo, nuk ta lenë.
Pensionisti – Se varet se ça qesin
Përgjegjësi i ISSH Krujë – Nuk ta lenë pra, këtë punë e ke të mbarume.
Pensionisti – Sekretarja ma komunikoi dje.Më tha do ta komunikojmë vendimin me telefon.
Përgjegjësi i ISSH Krujë – Pas 15 ditësh del vendimi me letra dhe pastaj ta bëj unë, nuk kanë për ta ankimuar në rregull? Të dish një gjë edhe vendimi, llogaritja bëhet tek ne mbrapa. Nuk bëhet atje.Je i qartë?
Pas vonesës për zbardhjen vendimit, pensionisti takon gjyqtaren e çështjes
Gjyqtarja – Nuk ta kam bërë vendimin
Pensionisti – Pse
Gjyqtarja – Po s’ta kam bërë se kam shumë punë dhe do ta komunikoj me shërbim postarë, mirë?
Pensionisti – Sot një muaj sikur ka qenë, sikur është vonë një çik?
Gjyqtarja – Ore ai mundet të shkoj edhe një vite se sa punë kam unë.
Pensionisti – Me zbardh një vendim një muaj, gjashtë muaj një vite? Kjo smë…
Gjyqtarja – Ku të vajtën gjashtë muaj që vajte direkt
Pensionisti – Po ti the edhe një vit mundet të zgjasë
Gjyqtarja –Po mirë, mirë po them. Po që unë do ta komunikoj ti nuk e di se kur do ta komunikoj mundet të vijë edhe surprizë. Ça të them unë ty? Po, po të them që nuk e kam arsyetuar se kam shumë punë.
Pensionisti – Po a ka ndonjë ditë mundë të pres?
Gjyqtarja –Jo nuk do presësh sepse do të vij me shërbim postar. Kam gjyq tjetër të lutem se jam lodhur shumë duke dhënë shpjegime për gjëra që jo të gjitha varen nga unë.
Pensionisti – Mua po më shkon tek tre vite si kërkesë
Gjyqtarja – Nuk është për fajin tim tre vjetshi..
Pensionisti – Unë po pres të bëhet 70 vjetshi që të bëhet një pension.
Gjyqtarja – Të mbushësh e ta hashë pensionin unë s’po të them gjë. Prandaj po të them unë po të tregohem e sinqertë o Hamit nuk ta kam zbardhur se kam shumë punë. Unë po të them se kam 450 dosje që më presin këtu, ti…
Pensionisti – A mundet të bësh një sakrificë që mund të ma zbardhësh këtë javë a dhjetë ditë?
Gjyqtarja –Këtë jave jo, jo fare s’bëhet fjalë sepse kam shumë dosje, nuk e di sa pensionistë që po më presin. Kështu që do duhet pak kohë që ta zbardh.
Pensionisti – M’u duk si zvarritje ndoshta jo për faj….
Gjyqtarja – A ku s’ta rrëzova unë ty. Të kisha rrëzuar unë ty, po . A kur s’ta rrëzova ty, ik, ik Hamit ik
Takimi katërt me Pergjegjësin e ISSH Krujën
Pensionisti – Ç’habere ishin andej nga Durrësi?
Përgjegjësi i ISSH Krujë – S’ka mbaruar hala afati I ankimimit, do edhe dy ditë. Duhet vendim I formës prerë. Nesër bën 15 ditë. Presin deri ditën e fundit të mos bëhet ankimin.
Pensionisti –S’kanë filluar me ba llogaritë ata?
Përgjegjësi i ISSH Krujë –Hapet dosja në sistem, se nuk mundet të hapet dosja në sistem pa, pa kalu afati. Se sistemi që hapim ne dosjen është onlain. Nuk ta lejon instituti për ta hapur para kohe.
Pensionisti – A bisedove si do të shkoj çështja?
Përgjegjësi i ISSH Krujë – I kam bisedu. I kam thënë edhe dje kur të bëhen llogaritjet një kafe kam me ju dhanë, vetëm të bëhen llogaritjet që të mos merret më me dosjen.
Pensionisti – S’ma llogarisin tamam?
Përgjegjësi i ISSH Krujë –Ata kanë për ta llogaritur tamam. Kam për të shkuar të premten t’i them unë. Vetëm ma shihni mirë që të mos hyj për ta shqyrtuar ma . E para e fut inspektori punës, kalo shefja e pensioneve tek financa, kalon tre duar a e kupton?
Pas takimit me specialistët e Drejtorisë Rajonale të ISSH Durrës, përgjegjësi i ISSH-së Krujë dhe inspektori takojnë pensionistin
Inspektori i ISSH Krujë – Deri në fund të muajit ke për të marr paret, deri në fund të muajit.
Përgjegjësi i ISSH Krujë – Deri n fund I merr, në fund është hapur dosja deri në fund të muajit tani i ke gati. Ata e kishin qef tek 300 mijë lekëshin ( të vjetra) shihe vetë
Pensionisti –Tani , tani sa ja kanë vu tarifën
Përgjegjësi i ISSH Krujë – 300 mijë lekë ( të vjetra) e kishin qefin
Pensionisti – Ke 300 mijë lekë ( të vjetra)?
Përgjegjësi i ISSH Krujë – Po deri në fund të muajit domethënë se..
Inspektori i ISSH Krujë – Kanë marrë paret
Përgjegjësi i ISSH Krujë –Është hap dosja, po në fund që i bien me falu pensionin e të gjitha
Pensionisti – Tani koifiçenti është i plotë 37 vjet
Inspektori i ISSH Krujë – Të mos ngeli merak ty se ka fol bashkë me dorën ai
Përgjegjësi i ISSH Krujë – Dëgjo një sekondë, I kam fol asaj që ka për të lidh dosjen që ka për të bërë llogaritjen dhe I thashë një kafe. Dhe ata e kishin kaq, kaq ka për ti pru dhe I thashë ke për t’ja llogarit. Kam për t’ja llogarit si për vete tha se ajo ka për ta llogarit për hallin e vetë para
Pensionisti – Me një fjalë një 300 do marri
Përgjegjësi i ISSH Krujë – Po
Dhënia e lekëve Përgjegjësi i ISSH Krujë Eduart Zogu
Inspektori i ISSH Krujë – Tek puna e ke tek zyra, shkoi atje
Pensionisti – Ke për të ikur për Durrës
Përgjegjësi i ISSH Krujë – Po, kam për të ikur më vonë.
Pensionisti – A t’i jap qito ( lekët)?Pasha Zoten mezi I kam grumbulluar
Përgjegjësi i ISSH Krujë –Hë se i shoh mbrapa s’ka gjë
Pensionisti – S’i kam numëruar veç…
Përgjegjësi i ISSH Krujë – Hë se i numërojmë, i numërojmë.
Pensionisti – U bën tre? 1,2,3,4,5,6,7,8,9,10,11,12,13,14, (300 mijë lekë të vjetra )
Përgjegjësi i ISSH Krujë – Do të hapet tani dhe në fund të muajit e ke gati ( dosja).Me 1 kalojnë fondet.
Pensionisti – Besoi se janë të kënaq
Përgjegjësi i ISSH Krujë – Po
