Presidenti Meta ka reaguar para pak minutash lidhur me paketën anti-shpifje të qeverisë, pas kthimit të dy ligjeve në fjalë në Kuvend për rishqyrtim.
Kreu i shtetit theksoi se liria e shprehjes, medias e ajo për informim jo vetëm që janë të drejta themelore, por edhe janë përkeqësuar dy vitet e fundit.
Ai bën thirrje për reflektim për të mos ecur në rrugën e censurës e autoritarizmit, që sipas tij përbëjnë rrezik për të ardhmen euripiane të vendit.
‘ Të dashur qytetarë, liria e shprehjes, liria e medias dhe e drejta e informimit, përveç se janë të drejta themelore kushtetuese, janë të lidhura ngushtë me parimin e ndërtimit dhe funksionimit të një shteti demokratik. Shqipëria dy vitet e fundit ka një përkeqësim të këtyre treguesve, sipas konkluzioneve të organizatave prestigjoze ndërkombëtare të gazetarëve, si dhe të institucioneve ndërkombëtare që monitorojnë respektimin e lirisë së medias.
Ndaj është koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë. Edhe njëherë, i ftoj të gjithë të lexojnë me vëmendje argumentat kushtetuese dhe ligjore të kthimit për rishqyrtim në Kuvend të paketës së ashtuquajtur “anti-shpifje”.’ – shkruan Meta në Facebook.
Dekreti i Metës për kthimin e ligjeve të medias për rishqyrtim në Kuvend: