Kreu i Këshillit të Lartë të Prokurorisë Gent Ibrahimi ka vizituar sot Prokurorinë e Elbasanit ku është takuar me prokurorët.
Sipas ‘BalkanWeb’ në këtë takim janë propozuar dy kandidatë për postin e drejtuesit të Prokurorisë së Elbasan.
Kandidatët e propozuar janë Kreshnik Ajazit dhe Bledar Mustafaraj. Kjo lëvizje vjen pas nisjes së ngritjes së institucioneve të reja të drejtësisë.
Vetëm para pak ditësh, është ngritur Struktura e Posaçme Anti-Korrupsion (SPAK), e cila rrjedhimisht ka shkrirë gjykatën dhe prokurorinë te Krimet e Rënda. Drejtuesi i SPAK është zgjedhur Arben Kraja.
Në garë për drejtimin e SPAK, përveç Krajës ishin edhe Altin Dumani e Ervin Kondili.
