Gjykata e Tiranës ka vendosur masën e sigurisë ‘arrest shtëpie’ për presidentin e klubit të futbollit të Turbinës (Cërrikut), Gentian Gjokën, i cili akuzohet për armëmbajtje pa leje.
Sakaq në Vlorë në të njëjtën ditë është vendosur e njëjta masë sigurie, për akuzat për mashtrim ndaj presidentit të klubit të futbollit.
Kujtojmë se Gentian Gjoka me origjinë nga Vlora u arrestua mbrëmjen e 19-dhjetorit në zonën e Bllokut, ku ka edhe banesën, pasi iu gjet një armë pistoletë pas një kontrolli nga policia.
Por sikur të mos mjaftonin akuzat për armëmbajtje pa leje, policia verifikoi se Gjoka ishte i shpallur në kërkim nga policia e Vlorës për mashtrim.