Vendosni fjalën kyçe....

Policia shkon të nxjerrë banorët nga godina 15 në “Qytet Studenti”


Që herët në mëngjes, forca të shumta policie kanë shkuar përsëri sot në Qytet Studenti, për të nxjerrë banorët nga godina nr.15, e cila është shpallur si e pabanueshme pas tërmetit të 26 nëntorit.

Ndërsa mbrëmjen e kaluar kundërshtuan të dilnin, banorët sot kanë nisur të mbledhin gjërat e tyre por shprehen se nuk dinë se ku të largohen. Ata thonë se nuk u është dhënë mjaftueshëm kohë për të marrë sendet e tyre dhe për të gjetur një ambient tjetër me qira, pasi vetëm dy ditë më parë ndërtesa është vlerësuar si e pasigurtë.

Në këtë godinë nuk jetojnë studentë, por rreth 220 banorë të cilët jetojnë aty me qira mujore. Bashkia u ka ofruar atyre një bonus qiraje, por ende nuk dihet se sa përfshin bonusi. Godina pritet të evakohet dhe të shembet deri sonte në darkë.


Leave a Reply

Your email address will not be published. Required fields are marked *