Justin Trudeau, Boris Johnson dhe Emmanuel Macron janë kapur në kamera duke bërë thashetheme për presidentin amerikan Donald Trump në një ngjarje të NATO-s.
Videoja është xhiruar në Pallatin Buckingham, ku tregon kryeministrin kanadez, atë britanik dhe presidentin francez duke folur siç duket për Trump.
Ata fillimisht folën për vonesën e presidentit Macron.
“A është kjo arsyeja pse u vonove?”– pyet Johnson presidentin francez, siç citon Daily Mail.
“Ai ishte vonë sepse pati një konferencë shtypi 40-minutëshe…”, tha Trudeau, përpara se Macron të thoshtë diçka që nuk dëgjohet.
Trudeau vazhdon duke folur me gjeste: “Ju thjesht patë nofullat e ekipit të tij të binin në dysheme…”
Edhe pse Trump nuk përmendet, ai besohet të jetë fokusi i bisedës, pasi më herët ai pati disa konferenca shtypi të gjata e të paplanifikuara gjatë samitit të NATO-s.
