Kryeministri Edi Rama sapo ka mbledhur Komitetin Kombëtar të Rindërtimit. Në këtë mbledhje, marrin pjesë përveç qeverisë dhe organizatat humanitare, Akademia e Shkencave, Universiteti, Sipërmarrja, Bankat, Inxhinierët, Arkitektët dhe Urbanistët.
Në këtë mbledhje, Rama tha se do dëshironte të ishte e pranishme edhe opozita.
“Do doja të ishte këtu edhe opozita, se këtu s’kemi çfarë të ndajmë dhe çfarë dallimesh të kërkojmë te njëri-tjetri. Por ajo që ndani me mua është barra.”– tha Rama.
Rama kishte paralajmëruar edhe më herët në këtë mëngjes, për mbledhjen e Komitetit Kombëtar të Rindërtimit, në mbledhjen e Jashtëzakonshme të qeverisë.
Rama tha gjithashtu se sot do të aktivizohet fondi prej 1 milionë lekësh dhe shtoi se fëmijët dhe pensionistët nga familjet e viktimave do të marrin shpërblimin e përcaktuar edhe për muajin nëntor.
