Një shtetas shqiptar ka rënë në prangat e policisë italiane për akuzat e trafikut të lëndëve narkotike.
Shqiptari u ndalua në flagrancë nga policia në Ankona, afër një qendre tregtare, ndërsa priste të bënte dorëzimin e kokainës.
Sipas mediave italiane, ai gjatë trafikimit të drogës përdorte djalin e mitur si mburojë, për t’i shpëtuar vëmendjes së bluve atje. Identiteti i të arrestuarit nuk bëhet i ditur.
Ndërkaq, policia sekuestroi një pako kokainë kristal me peshë rreth 2 kg, e cila me vlerën e tregut kapte shifrën 8 mijë euro dhe 700 euro të cilat dyshohen se buronin nga pazaret e drogës.
