Policia ka arrestuar një 32-vjeçar në Tiranë duke shitur drogë.
32-vjeçari me iniciale A.T u kap në flagrancë në zonën e Astirit duke shitur kokainë. Pas kontrollit në banesë iu sekuestrua edhe një dozë prej 60 gr.
Njoftimi i plotë:
Policia e Shtetit ka zhvilluar një operacion në zonën e Astirit, ku kishte informacion se në lokale shpërndaheshin droga të forta, si kokainë.
Sektori për Hetimin e Narkotikëve në bashkëpunim me Komisariatin Nr. 6, pas informacioneve të marra në rrugë operative dhe bashkëpunimit me qytetarët, arrestoi 32-vjeçarin A.T., banor i Tiranës.
Ai u kap në lokal në zonën e Astirit me doza kokaine, që do t’ua shiste klientëve që frekuentonin këtë lokal.
Pas kësja, është ushtruar kontroll në shtëpinë e tij dhe në makinën e tij, ku iu gjet një tjetër sasi kokaine,60 gr, dy shishe me përzierës lënde narkotike, peshore elektronike dhe dy aparate celulari.
Tashmë dosja e tij iu dërgua Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike”.
