Udhëheqësi i Partisë Laburiste, Jeremy Corbyn dukej shumë i irrituar ndërkohë që kryeministri britanik Boris Johnson u përpoq ta përfshinte atë në një bisedë të shkurtër, para fjalimit të djeshëm të mbretëreshës Elisabeth II.
Hapja e parlamentit nga Mbretëresha Elizabeth II të hënën, u shënua me një njoftim politikash të reja nga administrata e kryeministrit Johnson. Shumë ligjvënës të opozitës dhe komentues politikë besojnë se fjalimi ishte “i pakuptimtë”.
Siç është tradita, kryeministri dhe lideri i opozitës i çojnë të gjithë deputetët nga Dhoma e Përfaqësuesve te Lordët që të dëgjojnë fjalimin e monarkut.
Ndërsa Johnson u përpoq që gjatë kësaj procesi, të shkëmbente disa fjalë me kreun e Partisë Laburiste, Corbyn përgjigjej shumë shkurt dhe mbante një qëndrim të tensionuar.
Siç shihet edhe në videon e mëposhtme, pamja e fytyrës së Corbyn tregon shumë për irritimin që ai ndjente. Ai bën edhe një fytyrë qesharake për operatorin e kameras kur i kalon pranë.
“Ai me të vërtetë nuk dëshiron ta ndajë të njëjtin oksigjen me të?”, thotë një komentues. Axhenda e re e qeverisë përfshinte një projekt-ligj për imigracionin që në thelb do t’i jepte fund lirisë së lëvizjes për qytetarët e BE-së dhe do të prezantonte një sistem hyrje-bazë për të gjithë emigrantët.
As expected, the chemistry between Boris Johnson and Jeremy Corbyn is electric pic.twitter.com/kxKU8Bw0qU
— Julian Druker (@Julian5News) October 14, 2019
