Këtë javë punonjësit e rafinerisë së naftës në Ballsh janë rikthyer përsëri në protesta. Kjo pasi puna në rafineri është bllokuar.
Dyert e rafinerisë janë mbyllur për rreth 1 mijë punonjës, pasi sipas tyre kompania nuk i furnizon me lëndë të parë, naftë bruto.
Punonjësit e mbetur të pa punë prej 20 ditësh, kërkojnë të mos e eksportojnë naftën bruto, por fillimisht të plotësohen kushtet për firmat vendase.
Protestuesit kërkojnë ndërhyrjen e qeverisë, si rregullatori i vetëm për zgjidhjen e situatës.
